radikal

                          

                      

Ali

duol nako.

Gaksa ko og taman. 

Luag ra. Hugta pag-ayo.

Kana. Tagamtama ang kainit

sa akuang presensiya. Hinunoa baya

ikaw ug ako — usa ra. Managlahi apan

managsama. Karon, buhii na. Ayaw iluom.

Ayaw pag-utong kay ang pagbuhat sa ingon lihok

sa nagpakaulipon. Ipabuhagay. Ipadagayday ang wa-

log mong luha. Lunopa tanang kayugot ug kahingawa. Kahad-

lok ug kabalaka. Kahigawad ug kaluya. Kaguol ug kahasol. Ug karon

ginhawa paglawom. Kana. Hangtud gyud sa kinauyokang bahin sa imong

 tawhanong katakos. Karon, andam ka na usab aron sa pagpadayon sa nasug-

  dan mong misyon. Pakit-a ko pagbalik sa makahuloganon mo nga pahiyom. 

  Kupti ang akuang mga kamot. Ayaw pagbuhi. Niining higayona, magkuyog 

   ta aron sa pagpangita kanila. Iwagan nato sa kaigmat sa panglantaw ang da-

  lan nga awaaw. Tubilan ta'g balik sa gadilaab nga gugma, sila nga nagluya.

 Buhion ta pag-usab ang makabungog nga talidhay ug hudyaka. Mga huni

ug awit, ipalanog ta. Lukpon nato ang kalikupan ug ang kalangitan sa 

bangaw sa usa ka gugmang kanunay nga makighugoyhugoy. 

   "Huwag kang manghinayang. Hindi tayo nabigo. Tibayan ang 

  inyong loob. Kahit may dilim na umaaligid. Ang liwanag sa

puso'y di pasisiil. Namulat sa pag-asa, sa pag-ibig.

Hindi na muling pipikit."